Språktrening og etikettering

I samarbeid me Ålesund Vaksenopplæringssenter har IKA for tida fått ein ekstra medarbeidar i staben. Maria Mohammed frå Somalia skal jobbe hos oss ein dag i veka ut semesteret, og hjelper til med etikettering av protokollar.

Maria har fått språktreningsplass hos IKA som eit ledd i kommunen sitt introduksjonsprogram for nye innvandrarar. Programmet skal gje elevane både norskopplæring og ein smakebit av norsk arbeidsliv. Maria hjelper Tonje med etikettering av eldre arkivmateriale, her for Skodje kommune, og er også med på oppdrag rundt i fylket.