Arbeidarbevegelsens Arkiv for Møre og Romsdal flytta over til IKA sine arkivmagasin.

På 1980-talet byrja ein samle inn arkivtilfang frå lag og organisasjonar knytte til arbeidarrørsla i Møre og Romsdal. Arkivmaterialet vart i første omgang lagra i kjellaren på Fylkesbiblioteket, men er no flytta over til arkivmagasina til IKA Møre og Romsdal i Ålesund.

IKA Møre og Romsdal er glade for å ha inngått ein avtale med styret i Arbeidarbevegelsens Arkiv for Møre og Romsdal om å oppbevare og betene dette arkivmaterialet.
Etter å ha flytta, pakka om og stilt opp heile samlinga, viser det seg å være eit interessant og spanande tilfang. Eit førebels oversyn viser at ein i samlinga på omlag 50 hyllemeter finn arkiva etter vel så 120 ulike arkivskaparar frå heile fylket. Variasjonen er også stor - til dømes finn ein arkiva til Bud Arbeidarungdomslag, Kristiansund Slakter og Pølsemakersvendes Forening og Ørsta Treindustriarbeidarforening.