16.05.2022

17. mai-nemnda

Bilde av ei tekstside i to kolonnar om grunnlov og fridom. Svart-kvitt-tekning av det norske flagget oppe til høgre.
Framside 1965.

Årets 17. mai er den første på eit par år no som endeleg kan feirast på "normalt" vis igjen, til lukke og stas for mange.

I arkiva våre finst fleire 17. mai-komitear og nemnder, og i forbindelse med eit pågåande ordningsprosjekt frå Ulstein kommune, har vi valt å skrive litt om deira 17. mai-nemnd i høve nasjonaldagen.

Arkivet frå Ulstein kommune si 17. mai-nemnd strekker seg tidsmessig frå 1945 til 1998. Arkivet består av godt detaljerte møtebøker, noko rekneskap og eigenproduserte trykkhefte, som då for det meste er 17. mai-program for forskjellige år.

Tidleg på 1970-talet kosta programheftet eit par kroner. I 1992 er det kome opp i 25 kroner, og 30 kroner for det siste heftet vi har frå 1998.

Her ser vi planlegginga av 17. mai 1992:

Handskriven møteprotokoll med blått blekk. Det er teikna to norske flagg på eine sida.
Handskriven møteprotokollside med blått blekk.
Kjelde: K-15160.158/A/Aa/L0001/0004

Programmet frå 1994 har bilde frå kong Harald sitt besøk i Ulsteinvik i 1993 på framsida:

Tre menn går saman framfor ei stor folkemengde. Ein ber på ein blomsterbukett han har fått, ein har uniform, den tredje har ordførarkjede. Ein liten gut i bunad står framfor dei med høgt heva flagg.
Kjelde: K-15160.158.X/Xa/L0001/0005

Programmet frå 1995 illusterer 17. mai frigjeringsåret 1945. Ikkje heilt ulikt i desse dagar at slik fridom kan takast for gitt.

Bilde av Ragnar Ulstein 17. mai 1945.
Kjelde: K15160.X/Xa/L0001/0006

Avslutningsvis vil eg sitere ein uttale frå 1965-feiringa:

Vi helsar alle hjarteleg til lukke med dagen, og ynskjer vidare god framgang for bygda og landet.

Programside frå 17. mai-hefte 1965.
Kjelde: K15160.X/Xa/L0001/0001

Gratulerer med dagen!

Tekst: Torstein Skeide Olsen, IKAMR
Foto: Piotr Cabaj, SEDAK/IKAMR

Kategori
Eldre arkiv
Kommune
Ulstein