12.09.2022

Nedpakking av arkiv frå Smøla kommune

Frå venstre: Egil Woldseth Hessen, Andri Jónsson og Torstein Skeide Olsen, alle IKAMR
IKAMR tok 6. september 2022 turen til Smøla for oppstart av ordningsprosjekt som blei inngått i 2021, som følge av Smøla kommune sitt tilsyn frå arkivverket i 2020.

I denne pakketuren blei det lagt vekt på sentrale organ som formannskap, kommunestyre, sentraladministrasjonen, eldrerådet, administrasjonsutvalet, arbeidsmiljøutvalet, valstyret m.m.

I tillegg blei allereie ferdig digitiserte byggesaksarkiv og målebrev frå teknisk pakka ned. Deretter alt anna ikkje-skanna materiale frå teknisk etat som møtebøker, saksarkiv, journalar m.m. og store mengder prosjektarkiv. I tillegg til landbruk, jordstyre og andre tekniske arkiv.

Totalt tar IKAMR no imot omlag 140 meter av dei 233 metrane inngått i ordningsoppdraget. Vi håper å starte opp arbeidet så fort som mogleg.

Vi takkar Smøla kommune for fint vertskap, flotte naturopplevingar utanom arbeidstid og på gjensyn til neste tur.

 

Tekst: Torstein Skeide Olsen, IKAMR

Kategori
Eldre arkiv
Kommune
Smøla