Aktuelt

Fredag 5. juni fekk IKAMR besøk av 30 medlemer frå Slekt og Data Møre og Romsdal. Organisasjonen arrangerte den årlege sommarturen sin i Ålesund og tilbrakte dagen hos oss og på Ålesund Museum. Vi set stor pris på å få besøk og på høvet til å gjere brukarane betre kjende med arkivsamlingane våre.

IKAMR har no ferdigstilt ordningsprosjektet vi har hatt på gang for Aukra kommune.

Prosjektet omfattar om lag 200 hyllemeter arkivmateriale frå perioden etter 1964. Materialet omfattar arkiv frå sentral-, skule-, kultur-, helse-, og teknisk sektor. Arkivet er no ordna og listeført etter gjeldande retningslinjer.

Etter fleire år med leiting etter opplysningar om slektningar frå 1860-talet har slektsforskarar frå Bergen funne ny informasjon i dei historiske kommunale arkiva frå Kristiansund kommune. Dokumentasjonen vart funnen i uordna fattigkasserekneskap frå kemnerkontoret i Kristiansund, som har vore bortgøymt i ein mannsalder.

Våren 2026 har IKAMR vore praksisplass for ein historiestudent frå Høgskulen i Volda. Maria Bjåstad Hustadnes går andre året på bachelorstudiet i historie og har hatt ein ti vekers praksisperiode hos IKAMR frå februar til april som del av praksisemnet HI204P Lokal- og regionalhistorie.

Det er no ope for påmelding til Kontaktkonferansen 2026 i Ålesund!

Kontaktkonferansen vert arrangert 13.–14. oktober på Quality Hotel Waterfront i Ålesund.